Рубрика: Карикатуры, Фразы на таджикском

Суоли БгиДега аз баъзе рӯзноманигорон

Барои ман – БгиДега, ин чанд масъала муаммо шудааст ва мехоҳам, Шумо, рӯзноманигори азиз, бароям посух диҳед:

1) Вақте ду рӯзноманигори азиз боздошт шуд, шумо даст ба кор шудед ва хитоб ба Рустами Эмомалӣ барои озодии фаврии онҳо нома навиштед ва наздик ба 300 имзо ҷамъ кардед – ки албатта, дастатон дард накунад! – вале чаро вақте Улфатхоним Мамадшоева, ки ӯ низ рӯзноманигор аст, Хушрӯз Ҷумъаназаров (Ҳушом Ғуломов), ки блогер аст, Мамадсултон Мавлоназаров (Муҳаммади Султон)-и 72-сола, афсари пешини амният, ки ӯ ҳам рӯзноманигор аст ва ҳамчунин чанд рӯзноманигори дигар вақте боздошт шуданд, на ҳеч талоше аз сӯи шумо дида шуд ва на барои дархости озодии онҳо имзо ҷамъ кардед ва на ба касе дар ин ҷиҳат муроҷеа намудед? Оё Шумо миёни рӯзноманигорони боздоштшуда фарқ мегузоред?

2) Асосан, чаро дар қазияи Будахшон ҳеч талоше аз сӯи шумо дида нашуд? Балки баръакс, саъй мекунед, ин масъала фаромӯш шавад. Чаро барои Бадахшон ва даст кашидани режим аз кушту куштор дар он – ки даҳҳо нафар тоҷикистонӣ дар он ба шаҳодат расида ва садҳо нафари дигар захмӣ гардиданд – ҳеч коре аз тарафи шумо мушоҳида нашуд?

3) Чаро номаи ахир, хитоб ба Рустами Эмомалӣ, ки барои озодии ин ду рӯзноманигор дахолат кунад, навишта шудааст, на масалан ба худи Эмомалӣ Раҳмон ва ё Озода ва ё яке дигар аз хонаводаи бонуфузаш? Оё қарор аст, Рустам барои озодии он ду дахолат кунад ва дар натиҷа бузургнамоӣ шавад?

Ё имрӯз чун Рустами Эмомалӣ ба ҷойи Убайдуллоев нишастааст, бояд барои ҳар касе, ки мири шаҳр аст, хидмат шавад?

4) Асосан, чаро аз ин хонадон, чӣ аз Рустам бошад ва ё аз ғайра, тақозои кӯмак шавад? Дар ҳоле, ки айнан ҳамин афрод сабаби ин ҳама бадбахтӣ ва кушту куштори тоҷикистониҳо шуда истодаанд?

5) Чаро дар авҷи бадбахтӣ ва кушту куштор ва мусибат дар Бадахшон — ки ҳамаи ин бадбахтиҳо ба дасти Рустам ва падараш шуда истодаанд – якдафъа масъалаи боздошти ду рӯзноманигор барҷаста ва талош сурат гирад, ки қазияи Бадахшон ба фаромӯшӣ супурда шавад? Чаро?

Ин панҷ суол барои шумост, ки агар салоҳ дидед, посух нависед.

Бо эҳтиром, БгиДега!

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s